रणवीर-श्रद्धा अभिनित चलचित्रको सेटमा आगलागी, एक जनाको मृत्यु

रणवीर कपुर र श्रद्धा कपुर अभिनित एक चलचित्रको सुटिङ सेटमा शुक्रबार साँझ भयानक आगलागी भएको छ । आगलागीमा परि ३२ वर्षीय एक युवकको मृत्यु भएको कुपर अस्पतालका डा सदाफुलेले बताए । घटनामा एक जना घाइते भएका छन् । मुम्बईको अंधेरी वेस्ट इलाकामा तयार पारिएको सेटमा शुक्रबार सुटिङ भइरहेको थियो ।  साँझ ४:३० बजे अचानक सेटमा आगलागी भएको थियो ।